இரண்டாம் குலோத்துங்க சோழன் - சாளுக்கிய சோழர்கள் - கிருமி கண்ட சோழன் - தசாவதாரம் - கல்கி - பொன்னியின் செல்வன் - ரங்கராஜ நம்பி - சைவம் - வைணவம் - ஜல்லி

முதலிலேயே ஒரு விஷயத்தை சொல்லிடுறேன் கிருமி கண்ட சோழன் என்று ஒரு சோழன் குறிப்பிடப்படுவது வரலாற்று ஆதாரம் கிடையாது. புராணங்களிலும் இதிகாசங்களிலும் 'கதை'களிலும் சொல்லப்படுவது, சொல்லப்போனால் எப்படி 'கடவுளுக்கும்' அறிவியலுக்கும் எப்படி ஆகாதோ அப்படியே இந்த வகையறா 'கதைகளுக்கும்' வரலாற்றிற்கும் ஆகாது.

கல்கி பொன்னியின் செல்வனில், நந்தினி, ஆழ்வார்க்கடியான் என்ற கற்பனைக் கதாப்பாத்திரங்களைத் தவிர்த்தும், ஆதித்த கரிகாலன் விஷயத்தில் ஏகப்பட்ட கற்பனைகளைக் கலந்துகட்டி சோழர் வரலாற்றைக் கவிழ்த்திருந்தார் என்பதைச் சொல்லி அலுத்துவிட்டது. ஒவ்வொரு முறையும் கல்கியின் தீவிர ஆதரவாளர்கள் வந்து அவர்களுக்கு கல்கியை மதிக்கிறேன் அதற்காக அவர் எழுதிய வரலாற்றுத் தவறுகளை சுட்டாமல் விடமுடியாது என்று டிஸ்க்ளெய்ம்பர் போட்டும் கை வலிக்கிறது.

சரி மேட்டருக்கு, கிருமி கண்ட சோழன் என்று 'மேற்சொன்ன கதைகள்' உள்ளிட்டு எதுவும் எந்தச் சோழனையும் குறிப்பிட்டுச் சொல்வதில்லை. ஒட்டக்கூத்தரின் 'குலோத்துங்கச் சோழன் உலா' வரி 76 - 78, இன்னும் தெளிவாக உள்ள 'இராஜராஜ சோழன்(இது முதலாம் இராஜராஜ சோழன் இல்லை) உலா' வரி 64 - 66, தக்கையாகப் பரணி செய்யுள் 777 என்று வந்தாலும் இவைகள் அனைத்தும் மிகவும் குறிப்பிட்டு இரண்டாம் குலோத்துங்க சோழன் என்று கூறுவதில்லை.

இன்னும் சொல்லப்போனால் இந்த 'கிருமி கொண்ட சோழன்' முதலாம் குலோத்துங்க சோழன் தான் என்றே நிறைய பிற்காலக் கதைகள்(கோயிலொழுகு முதலியன) சொல்கின்றன. Life of Ramanuja என்ற எஸ்.கே. அய்யங்காரின் புத்தகம் குறிப்பிடுவதும் முதலாம் குலோத்துங்க சோழனையே. "சோழர் குடும்பம் அரசர்களாக இருந்து ஆட்சி செய்வது ஒழியட்டும்" என்று திருவாரூரில் கோயில் கொண்டுள்ள சிவபெருமான் பிரகடனம் செய்ததாக "திவ்யசூரி சரிதத்தில்" உறுதியாகச் சொல்லப்பட்டிருக்கிறது. இந்த "திவ்யசூரி சரிதமும்" "யதிராஜவைபவம்" உம் ராமானுஜர் வாழ்க்கையக் கூறும் பழைய நூல்கள்.

சாளுக்கிய சோழர்களை சோழர்களாக ஒப்புக்கொள்ளாமல் வைக்கும் பொழுது வரும் கடைசி சோழ மன்னர்களான வீர ராஜேந்திர சோழனையோ(இந்த மன்னன் இராஜகேசரி என்ற பட்டத்துடன் அழைக்கப்பட்டவன்) இல்லை அவனுக்குப் பின் வெகு சில காலம்(சொல்லப்போனால் சில வாரங்கள்) ஆண்ட ஆதி இராஜேந்திர சோழன் தான் இந்த 'கிருமி கண்ட சோழன்' என்றும் conspiracy theoryகள் உண்டு. ஆனால் என் வழி K.A. நீலகண்ட சாஸ்திரி வழி(தனியா வழியில் போக நானென்ன ரஜினிகாந்தா!) "எந்த ஒரு விஷயத்தை அடிப்படையாகக் கொண்டு புராணக் கதைகள் சொல்லும் விஷயங்களை நிலைநாட்டுவதற்கில்லை"(சோழர்கள் முதல் பாகம் - நீலகண்ட சாஸ்திரி - பக்கம் 404)

வரலாறோ மன்னருடைய கல்வெட்டுக்களோ இந்தக் காலத்தில் (985 - 1170) வாழ்ந்த மன்னன் கிருமி கடிச்சி(ஹிஹி) இறந்ததாகச் சொல்லவில்லை. சரி அப்படியே சைவ - வைணவர் பிரச்சனையில் 'வைரஸ்' தாக்கம் ஏற்பட்டு 'முதலாம் குலோத்துங்கனுக்கு பிற்பட்ட' காலத்தில் நடைபெற்ற பிரச்சனையில் சைவர்களுக்கு ஆதரவாக செயல்பட்டு வைணவர்களை எதிர்த்து அதனால் சிவபெருமானே(!) சாபம் கொடுத்து கிருமி பாதிப்பு ஏற்பட்டு இறந்ததாகச் சொல்லவில்லை. ரொம்பவும் லாஜிக்கலா யோசிச்சா அந்த குறிப்பிட்ட மன்னன் 'முதலாம் இராஜராஜ சோழன்' போலவோ 'முதலாம் இராஜேந்திர சோழன்' போலவோ சைவ மன்னனாக இருந்து எல்லா சமயங்களையும்(சைவம் வைணவம் சமணம் பௌத்தம் முதலியன...) ஆதரிக்காமல், வைணவர்களை 'ஒரு காட்டு காட்டியதால்' கோபப்பட்டு புலம்பியதாகவே கொள்ள முடியும் 'கிருமி கண்ட சோழன்' என்ற பதத்தை.இதற்கும் வரலாற்றிற்கும் சம்மந்தம் இல்லை

கமலஹாசன், வைணவர்களை ஆதரித்து சைவர்களை எதிர்ப்பதற்காக 'இராமானுஜ நம்பி' என்ற பெயரில் பாவம் அவர் நாத்தீகரா இருந்தும் முயல்வதாக நிருவ முயல்வதெல்லாம் ஒன்னும் சொல்றதுக்கில்லை. அதே போல் அந்தக் காலத்தில் இருந்ததைப் போல் வைணவ-சைவ பிரச்சனை இப்பொழுது இல்லை என்று நம்ப வைக்க முயல்வதும். ஈஸ்வரோ ரக்ஷத் 'ஆண்டவன்' தான் உங்களை எல்லாம் காப்பாற்றணும். படம் 'ஹே ராமை'ப் போல கமர்ஷியல் பக்வாஸாக இல்லாமல் இருக்க எப்படி கே.எஸ்.ஆரின் உதவியை நம்பியிருக்கேனோ அதைப் போல் கமலஹாசன் படமாம 'ஹே ராம்' ஆக கமர்ஷியல் பக்வாஸாகி தேர்ந்த படமாக இருக்க வேண்டும் என்றும் நம்பிக் கொண்டிருக்கிறேன்.(இரண்டும் சரியா அமைஞ்சா என்னை விட சந்தோஷப்படப் போறது கமலஹாசனாத்தான் இருக்கும்!)

சைவ - வைணவ சண்டையை வலை உலகிற்கு எடுத்துட்டு வராதீங்க என்றெல்லாம் அறிவுரை வழங்கவில்லை விருப்பமுமில்லை சொல்லப்போனால் இப்படிச் சண்டைப் போட்டா கூத்தாடியா நான் தான் முதலில் நிற்பேன்.

இன்னும் விஷயம் தேவைப்பட்டால் - கிடைத்தால் வருகிறேன்.

அன்பு தோழர் ஃபெடரிக் நியீட்ஷேவைக் கொண்டு இதை முடித்து வைக்கிறேன்.

God is dead. God remains dead. And we have killed him. How shall we comfort ourselves, the murderers of all murderers? What was holiest and mightiest of all that the world has yet owned has bled to death under our knives: who will wipe this blood off us? What water is there for us to clean ourselves? What festivals of atonement, what sacred games shall we have to invent? Is not the greatness of this deed too great for us? Must we ourselves not become gods simply to appear worthy of it?

– Nietzsche, The Gay Science, Section 125, tr. Walter Kaufmann

(நியூட்டனைப்போல நியீட்ஷேவையும் கடவுள் நம்பிக்கையுள்ளவர் என்று சொல்லிவிட மாட்டார்கள் என்ற நம்பிக்கையில் :))

ஆதித்த கரிகாலன்
இராஜராஜ சோழன்
இராஜேந்திர சோழன்
வீரராஜேந்திர சோழன்
ஆதி ராஜேந்திர சோழன்
முதலாம் குலோத்துங்க சோழன்
இரண்டாம் குலோத்துங்க சோழன்
மூன்றாம் குலோத்துங்க சோழன்
சோழர்கள்

7 comments:

TBCD said...

கூத்தாடி ஐயா,

புதசெவி

////படம் 'ஹே ராமை'ப் போல கமர்ஷியல் பக்வாஸாக இல்லாமல் இருக்க எப்படி கே.எஸ்.ஆரின் உதவியை நம்பியிருக்கேனோ அதைப் போல் கமலஹாசன் படமாம 'ஹே ராம்' ஆக கமர்ஷியல் பக்வாஸாகி தேர்ந்த படமாக இருக்க வேண்டும் என்றும் நம்பிக் கொண்டிருக்கிறேன்.///

மோகன்தாஸ் said...

வேற ஒன்னுமில்லை TBCD கமர்ஷியல் தன்மை வேண்டும் என்பதற்காக படத்தின் தரத்தில் கமல் கைவைத்துவிடக்கூடாதென்பதையே அப்படி சுற்றி வளைத்துச் சொன்னேன்.

யாத்திரீகன் said...

i've been longing to read your posts on the cholas.. and its sleeping in my bookmars for a quite long time ..

ஓகை said...

வரலாற்று ஆசிரியர்கள் சமர்பிக்கும் கட்டுரைகளில் விவாதம் செய்யலாம். ஆனால் வரலாறு துணைகொண்டு செய்யப்படும் புனைவிலக்கியங்கள் விவாதத்துக்கு உரியன அல்ல என்பது என் கருத்து. இது கல்கியோ சாண்டில்யனோ பாலகுமாரனோ கமல்ஹாசனோ எல்லோருக்கும் பொதுவானதுதான்.

ஆவணப்படம் என்று கருதப்படுகிற 'பெரியார்' படத்தில் நேப்பியர் பூங்கா கூட்டத்தில் கலைஞரைக் காட்டியதற்கு எவ்வளவு எதிர்ப்பு வந்தது?

மோகன்தாஸ் said...

ஓகை,

அற்புதமான கருத்து ஏற்றுக் கொள்கிறேன்.

ஆனால் பொன்னியின் செல்வன் படித்துவிட்டு,

பொன்னியின் செல்வனில் ஆதித்த கரிகாலனைக் கொன்றது யார்?

அ) இரவிதாசன் கிரமவித்தன்
ஆ) நந்தினி
இ) பழுவேட்டரையர்
ஈ) வல்லவரையன் வந்தியத்தேவன்

என்று தொடங்குவது முடிவில், "ஆதித்த கரிகாலனைக் கொன்றது யார்?" என்று வந்து முடிந்து தொலைகிறது. இதைப்பற்றிய விவாதத்தை நீங்கள் இணையம் முழுவதும் காணலாம்.

மேற்கூரிய நால்வரா ஆதித்த கரிகாலனைக் கொன்றது.

நம் வரலாறு ஏற்கனவே ஏற்கனவே கடித்து குதறப்பட்டு இருக்கிறது. அதில் இப்படியும் சில திருப்பங்கள்.

என்னைக் கேட்டால் பொன்னியின் செல்வன் படிக்காமல் இருப்பவர்களைக் கூட குற்றம் சொல்லமாட்டேன், "உண்மையில்" ஆதித்த கரிகாலனைக் கொன்றது யார்? என்று பொன்னியின் செல்வனைப் படித்துவிட்டு சண்டைப் போடுபவர்களைத்தான் குறை சொல்வேன். :)

மதுரையம்பதி said...

சில கேள்விகள்,

1. குறிப்பிட்ட (985 - 1170) காலத்தில் இல்லாம, வேறு காலத்தில் கிருமி சோழன்னு நீல்ஸ் (KAN) ஏதானும் பேசியிருக்காரா இல்லையா?.

2.நீல்ஸ் தவிர வேறு எந்த வரலாற்று ஆய்வாளர்களாவது (ஐராவதம், நாகசாமி, நம்ம வரலாறு.காம்) நம்ம கிருமி பற்றி பேசியிருக்காங்களா?, யெஸ்ஸுன்னா, அது பற்றி அறியத்தாருங்களேன்.

3. சோழ வம்சத்தை ஒரு ஆர்க் சார்ட் மாதிரி தரமுடியுமா?, எங்காவது ஏற்கனவே இருப்பின் சுட்டி தாருங்களேன்.

ஓகை மற்றும் அவருக்கு பதிலாக நீங்கள் கூறிய கருத்துக்களை ஓரளவு ஏற்கிறேன். ஆனால், இந்த பொ.செல்வனும், சி.சபதமும், பாண்டிமாதேவியும் இல்லைன்னா இன்று பலருக்கு சோழ, பாண்டிய, பல்லவ பெயர்கள் கூட பழக்கமில்லாம/தெரியாமலே போயிருக்கும். அழிந்து கொண்டிருக்கும் வரலாறு இன்னும் வேகமாக அழிந்திருக்குமுன்னு நினைக்கிறேன்.

எனக்கு என்ன தோணுதுன்னா வரலாறு நிலைக்கணும்ன்னா சாண்டில்யன்/கல்கி போன்ற எழுத்தில் உண்மையான வரலாற்றை எழுத முயல/முன்வர வேண்டும். எத்தனை பேர் ஐராவதம்/நாகசாமி/நீல்ஸ் போன்றவர்களின் ஆராய்ச்சிக் கட்டுரைகளை சுவாரஸ்யமாக படிக்க இயலும்?. இவை எல்லாம் எங்கு கிடைக்கும், பக்கத்தில் போனால் ஒவ்வொன்றும் என்ன விலை விற்கிறது என்பதல்லாம் யோசித்தால் தலைசுற்றுகிறது.

மோகன்தாஸ் said...

மதுரையம்பதி,

கிருமி கண்ட சோழன் என்று பாடல்கள் சொல்லும் மன்னன் வாழ்ந்தது அந்தக் காலப்பகுதிதான்.

ஆனால் முன்னமே சொன்ன மாதிரி, நீலகண்ட சாஸ்திரி, "பாடல்களில்" கிருமி கண்ட சோழன் என்று சொல்லப்படும் மன்னன் யாராய் இருக்கலாம் என்று நீலகண்ட சாஸ்திரி சொல்கிறாரே தவிர்த்து, எந்த சோழ மன்னனையும் கிருமி கண்ட சோழன் என்று வரலாறு சொல்வதாக நீலகண்ட சாஸ்திரி சொல்லலை.

வேற யாரும் வரலாறு சம்மந்தப்பட்டவர்கள், "கிருமி கண்ட சோழன்" பத்தி பேசியிருக்காங்களா தெரியலை! தேடிப்பார்த்து கிடைச்சா நிச்சயம் சொல்றேன்.

மேலே கொடுத்திருக்கும் லிங்க்களில், சோழர்கள் லிங்கில் இருக்கும் சார்ட் பார்த்துக்கலாம்.